Government of Nepal

Ministry of Agricultural, Land Management and Cooperatives

Department of Agriculture

Directorate of Industrial Entomology Development

Hariharbhawan, Lalitpur

UPDATES :

News and Notice

Beekeeping Development Programm

पृष्ठभूमि

नेपालमा धेरै पहिले देखिदै परम्परागत रुपमा मौरीपालन गरिंदै आएको भएतापनि यसबाट खासै आयआर्जन हुन सकेको थिएन । विगत केही बर्षदेखि मौरीपालनले ब्यावसायिक रुप लिएर मह एवं मौरीजन्य उत्पादनमा वृद्धि भई विदेशमा समेत निकासी भएर आयआर्जनको राम्रो श्रोत भएको छ । नेपालको बनजंगल र विविध बाली प्रणालीलाई हेर्दा मौरीपालन ब्यवसाय फस्टाउन सक्ने प्रशस्त सम्भावना देखिन्छ ।

 

दीर्घकालीन अवधारणा

·        मौरीजन्य उत्पादनको गुणात्मक र परिमाणात्मक वृद्धि गरी मौरीजन्य उद्योग स्थापना गरी रोजगारीको अवसर श्रृर्जना गर्ने ।

·        मह र मौरीजन्य उत्पादन विदेशमा निर्यात गरी देशको आर्थिक उन्‍नतिमा टेवा पुर्‍याउने ।

उद्देश्य

·        मौरीजन्य उपजहरुमा परिमाणात्मक एवं गुणात्मक बृद्धि ल्याउने ।

·        परागसेचनको माध्यामबाट कृषिजन्य उत्पादन बृद्धि गर्नमा सहयोग पुर्‍याउने ।

·        जनमानसमा जनचेतना बढाई महसेवनमा बृद्धि ल्याउने ।

·        युवाहरुलाई आकर्षित गराउन मौरीपालन व्यवसाय संचालन गर्ने गरी युवा लक्षित कार्यक्रम संचालन गरिने छ ।

रणनीति

·        पहाडमा एपिस सेराना र तराई/भित्री मधेशमा एपिस मेलिफेरा जातका मौरीको विकास र विस्तार गर्ने ।

·        मौरी पकेटक्षेत्र छनौट गर्दा उपयुक्त बाली प्रणाली, फलफूल बगैंचा, चरणक्षेत्र आदिसंग आवद्ध गर्दै लैजाने ।

·        महको पौष्टिक महत्व बारे जनचेतना अभिवैद्धि गराई, जनमानसमा महप्रतिको आकर्षण बढाई उत्पादित तथा उपभोगमा संलग्नता बढाउने ।

नीति तथा कार्यनीति

·        एपिस सेराना तथा एपिस मेलिफेरा मौरीको क्षेत्र निर्धारण गरिए अनुरुप विकास विस्तार तथा व्यावसायिकरण गर्दै लगिनेछ ।

·        खाद्य प्रविधि तथा गुणस्तर नियन्त्रण विभागको समन्वयमा उत्पादित महको गुणस्तर निर्धारणको लागि गुणस्तरमापन गर्ने साधन समपन्‍न प्रयोगशालाको विकास गरिनेछ ।

·        मौरी श्रोत विकास कार्यक्रमलाई निरन्तरता दिईनेछ । कृषकबाट कृषकमा प्रविधि हस्तान्तरण ।

·        कृषक/प्राविधिकलाई दक्ष बनाउन अध्ययन, तालिम, भ्रमणको व्यवस्था गरिनेछ ।

·        उपयुक्त क्षेत्रमा मौरी गोला स्थानान्तरण गरिनेछ ।

·        मौरीजन्य उद्योग, मह प्रशोधन यन्त्र आदि स्थापना गर्न आवश्यकता र औचित्यता हेरी प्राविधक/आर्थिक सहयोग प्रदान गरिनेछ ।

·        एपिस सेराना मौरीको गुणस्तरीय रानु उत्पादन तथा वितरण गरी मौरी घार मजबुत राख्‍नुका साथै उत्पादनमा समेत वृद्धि गर्न सघाउन पुर्‍याइनेछ ।